|
|
|
|
| يا خيّي يا
جنرال عون، شو بدّي خبّرك، ما بقا فيّي، وتقلت حالتي ولح بقّها. هالنهار الاسود يا ريته ما كان بالتاريخ، أحفاد تيمورلنك ببيت الشعب برعاية إسرائيل، خجل تيمورلنك وهولاكو من أحفادهن وجرايمهن، وفي مسعى لتطويبهم قدّيسين. قال إلّلي ما بينذكر اسمه "شعب واحد ببلدين" يا ريته هاللسان بيتبلكم وبترتاح البشرية. قال هيدا التاريخ وهيدي الجغرافيا، يا ريته درس التاريخ والجغرافيا بدل درس فنون الاجرام والخداع والكذب وإذلال الشعوب. تتلمذ على ايدين ماكيافيل ومسيلمه، طبّق النظريات على شعبه ودوّقنا طعمها وكتّر. بيعرف انه لبنان طوّع كل الطغاة وخيبات الهزيمة شاخصة على كل صخور لبنان، نواويس مكسّرة وأقواس نصر منهارة. الامل المفقود ما لح تشوفو يا حاكم الشام! لح تموت والحسرة بالقلب، ولبنان لح يبقى مكلّل بالغار وحرّ وسيّد ومستقلّ! وإنت أكيد الزائل ومكانك ما بجنّات الخلد يا "شومير اريه" . |
bravenet.com