|
|
|
|
| إنت وحدك فيك تحرّرنا خيّي العماد عون، ما فيّي إذكرو، ما فيّي إذكرو، ما بنسى كيف نزّلت العلم الموشّح البناية وعم يحميها، والدنيي عم تهدر نار والقلب بيقطر دمّ. يا ريتني فيّي إمحي هالرقم من التاريخ، رقم كسّر الحلم وزلزل الوطن وتركنا أسرى للذلّ وبمركب ما في لا قايد ولا بوصلة. قالوا ما لازم نيأس، ما الايام عم تركض والوطن بعيد، الوطن سرقو والذكريات محيوها وهات نقدر نشوف طلّة صنّين والارز والصنوبرات اللّي زرعناهم بسوق الغرب بعد الحريق وناطرين موسمهم، معليش بدّك تقبلها منّي يا خيّي، الواحد منّا ضعيف قدّام الحنين. ليلى وايلي حملوا المشعل ببيتهم بروميه، زرعوا الارزه وجبلوا أساس البيت بكمشة تراب من البيت بكيفون وبكمشة تانية من تراب قلعة الحصن الّلي ما بتنساك ولا بتنسى بطولات ولادنا العسكر واستشهادهم. وكل يوم ليلى من على تلّة رومية بتنادي وينكم يا مغاوير، وينكم يا مغاوير، الوطن دنّسوه. إنت وحدك يا خيّي يا جنرال عون فيك ترجّعنا إنت وحدك فيك تحرّرنا إنت وحدك كرامتنا إنت وحدك حملك تقيل وما حدن غيرك و بغيرك ما بيدوم لبنان. |
bravenet.com